اسلام آباد (مانیٹرنگ ڈیسک)اگر پاکستان کے غریب کو دو وقت کی روٹی نہ ملی تو آپ کا گریبان اور ہمارا ہاتھ ہو گا، سینئر صحافی چوہدری غلام حسین کی سخت بات پر عمران خان نے انتہائی تحمل سے جواب دیتے ہوئے پاکستان کیلئے کی جانیوالی اپنی انتھک محنت کا حوالہ

دیکر سب کو حیران کر دیا۔ تفصیلات کے مطابق نجی ٹی وی کے سینئر صحافی چوہدری غلام حسین اور سعید قاضی چیئرمین تحریک انصاف سے ایک خصوصی انٹرویو کر رہے تھے کہ اس دوران چوہدری غلام حسین نے عمران خان کو سخت بات کہتے ہوئے کہا کہ ا گر آپ پاکستان کے غریب کی دو وقت روٹی کا بندو بست نہ کر پائے تو آپ کا گریبان ہوگا اور ہمارے ہاتھ ہوں گے جس پر عمران خان نے غصے یا نا پسندیدگی کا اظہار کرنے کی بجائے کہا کہ جب انہوں نے شوکت خانم ہسپتال بنایا تو لوگوں نے کہا کہ اس میں غریبوں کا علاج ممکن نہیں ہو سکے گا، لیکن دنیا نے دیکھا کہ آج شوکت خانم میں 70 فیصد لوگوں کا مفت علاج ہو رہا ہے جس کی وجہ سے ہسپتال کو سالانہ 5 ارب روپے کا خسارہ برداشت کرنا پڑتا ہے۔انہوں نے کہا کہ نمل یونیورسٹی میں 90 فیصد غریبوں کے بچے پڑھ رہے ہیں ، اسی طرح پاکستان میں بھی ہوگا، جس طرح چین نے غربت پر قابو پایا ہے اسی طرح پاکستان سے بھی غربت ختم کی جا سکتی ہے۔