پشاور(این این آئی)وزیراطلاعات خیبرپختونخوا شاہ فرمان نے امریکی سفیر اور اعلی حکام کو مناظرے کا چیلنج کردیا ، کہتے ہیں کہ امریکی صدر دھمکیوں کے زریعے پاکستان کی ترقی نہیں روک سکتے۔جناح پارک پشاورمیں پاکستان تحریک انصاف کے نے احتجاجی جلسہ کیا ، جلسہ میں پاکستان تحریک انصاف کے رہنماوں اور ایم پی ایزنے شرکت کی ، جلسہ میں ایم پی ایز کی جانب سے امریکی صدر کے بیان کی شدید الفاظ میں مذمت کی،

احتجاجی جلسہ اس وقت بدنظمی کا شکار ہوا جب ڈسٹرکٹ ناظم محمد عاصم خان خطاب کررہے تھے کہ انہی کہ اراکین نے ضلعی ناظم کیخلاف احتجاج بھی کیا جس پر پارٹی کارکن مشتعل ہوگئے احتجاج کرنے والوں کو گھیراو کیا ۔تقریب سے خطاب کرتے ہوئے صوبائی وزیرشاہ فرمان کا کہناتھا کہ امریکی صدر کا بیان حقائق پر مبنی نہیں امریکہ کے اعلی حکام کو بیان پر مناظرے کا چیلنج کرتا ہوں امریکی صدر کی دھمکیوں سے پاکستان کی ترقی نہیں رک سکتی ۔

موضوعات:شاہ فرمان