لاہور (آئی این پی ) وزیراعلیٰ پنجاب محمد شہباز شریف نے بیگم کلثوم نواز کی جلد صحت یابی کی دعا کرتے ہوئے ان کے لئے نیک خواہشات کا اظہار کیا ہے، شہباز شریف کا کہنا تھا کہ پورے خاندان کی دعائیں کلثوم نواز کے ساتھ ہیں۔سماجی رابطے کی ویب سائٹ ٹوئٹر پر اپنے پیغام میں وزیراعلی پنجاب نے کہا ہے کہ میری تمام دعائیں
بھابھی کلثوم نوازکے لئے ہیں ، اللہ تعالی کلثوم نواز کو جلد صحت یاب کرے اور ان کی عمر دراز کرے، وزیراعلی پنجاب نے کا کہنا تھا کہ پورے خاندان کی دعائیں کلثوم نواز کے ساتھ ہیں۔اس سے قبل چیئرمین تحریک انصاف عمران خان نے بھی بیگم کلثوم نواز کی کینسر سے جلد صحت یابی کیلئے نیک خواہشات کا اظہار کیا تھا۔
