اسلام آباد (مانیٹرنگ ڈیسک )سابق وزیر داخلہ چوہدری نثارکا کل شام 5بجے اہم پریس کانفرنس کرنے کا اعلان۔نجی ٹی وی کے مطابق ( ن)لیگ کے رہنما پرویز رشید اور چوہدری نثار کے درمیان بیان بازی کے بعد سابق وفاقی وزیر داخلہ نے اہم پریس کانفرنس کا اعلان کردیا ہے ۔چوہدری نثار کل شام پانچ بجے پریس کانفرنس کریں گے

جس میں وہ ممکنہ طور پر پرویز رشید کے بیانات سے متعلق تفصیلی جواب دیں گے ۔یاد رہے کہ گزشتہ روز چوہدری نثار اور پرویز رشید کے درمیان بیان بازی کی جنگ اس وقت شروع ہوئی جب پرویز رشید نے ایک انٹرویو میں کہا کہ وزیر داخلہ ہوتے ہوئے بھی ہمارے خلاف فیصلے ہوئے اس پر چوہدری نثار بھی میدان میں آگئے اور ان کے ترجمان نے سینیٹر پرویز رشید کے بیانات پر سخت ردعمل کا اظہار کرتے ہوئے کہا ہے کہ کچھ لوگوں نے اپنی غلطیوں اور کوتاہیوں کا سارا بوجھ وزارت داخلہ،اسٹیبلشمنٹ پرڈال دیا ہے،ایسے لوگوں کی سوئی وزارت داخلہ اور سابق وزیرِداخلہ پرآکر پھنس گئی ہے۔