اسلام آباد (مانیٹرنگ ڈیسک) تحریک انصاف اور عوامی لیگ کا لیاقت باغ میں پاور شوناکام رہا ، تحریک انصاف کے کارکنان کی تعداد کم تھی جبکہ دونوں پارٹیوں کی قیادت نے بارش کو جلسے کی ناکامی کی وجہ قرار دیا ہے، لیکن بارش کے علاوہ دونوں پارٹیوں کے درمیان اختلافات اور رابطے کا فقدان بھی اس ناکامی کی بنیادی وجوہات ہیں، پاکستان کے موقر انگریزی روزنامے
ڈان نیوز کی رپورٹ میں دعویٰ۔ تفصیلات کے مطابق پاکستان کے موقر انگریزی روزنامے ڈان نیوز کی رپورٹ میں دعویٰ کیا گیا ہے کہ تحریک انصاف اور عوامی لیگ کا لیاقت باغ میں پاور شوناکام رہا جس میں تحریک انصاف کے کارکنان کی تعداد کم تھی جبکہ دونوں پارٹیوں کی قیادت نے بارش کو جلسے کی ناکامی کی وجہ قرار دیا ہے، لیکن بارش کے علاوہ دونوں پارٹیوں کے درمیان اختلافات اور رابطے کا فقدان بھی اس ناکامی کی بنیادی وجوہات ہیں۔انگریزی اخبار کی رپورٹ میں تحریک انصاف کے سینئر عہدیدار کے حوالے سے دعویٰ کیا گیا ہے کہ پی ٹی آئی جلسے کی ناکامی سے شدید پریشان ہے جبکہ نواز شریف کی ریلی کے جواب میں تحریک انصاف لیاقت باغ جلسے میں لوگوں کو لانے میں ناکام رہی۔ عمران خان کے جلسے نے راولپنڈی میں تحریک انصاف کی قیادت میں اختلافات کو بھی بے نقاب کر دیا ہے۔راولپنڈی تحریک انصاف کے سیکرٹری جنرل چوہدری عدنان دراصل شیخ رشید احمد کے آدمی ہیں جنہیں انہوں نے نہایت چالاکی سے تحریک انـصاف کی صفوں میں داخل کروایا ہوا ہے تاکہ وہ پی ٹی آئی کے ووٹ توڑ کر شیخ رشید کے لئے زیادہ سے زیادہ ووٹ حاصل کر سکیں۔تحریک انصـاف کے مقامی رہنما ئوں کواعجاز خان جازی، عارف عباسی اور راشد حفیظ کوبھی جلسے کے حوالے اعتماد میں نہیں لیا گیا۔
