اسلام آباد(مانیٹرنگ ڈیسک)نواز شریف کے قافلے کی گاڑی کی زد میں آکر جاں بحق ہونے والے بچے کی شناخت رحمت کے نام سے ہوئی ہے جس کا تعلق لالہ موسیٰ سے بتایا جاتا ہے۔ نواز شریف کے قافلے کی زد میں آکرجاں بحق ہونے والے رحمت کی خبر پر ردعمل دیتے ہوئے رانا ثنا نے نے نواز شریف کے قافلے کی گاڑی کی زد میں آکر رحمت کے جاں بحق ہونے کی خبر
کی تردید کردی ہے ہے۔ نجی ٹی وی اے آروائی نیوز سے بات کرتے ہوئے رانا ثنا کا کہنا تھا کہ معاملے کی انکوائری سے قبل کسی بھی بات کی تصدیق نہیں کر سکتا تاہم ابتدائی طور پر موصولہ اطلاعات کے مطابق بچہ کی ہلاکت نواز شریف کے قافلے کی گاڑیوں کی زد میں آکر نہیں ہوئی، کچھ لوگ خبر کو منفی انداز سے پیش کرنے کی کوشش کر رہے ہیں۔ نجی ٹی وی کے مطابق نواز شریف کے قافلے میں ڈاکٹرز بھی موجود ہیں تاہم رحمت کے زد میں آنے پر قافلہ نہ تو رکا اور نہ ہی کسی گاڑی میں سے ڈاکٹر نے اتر کر رحمت کو طبی امداد دینے کی کوشش کی۔ بچہ کی ہلاکت پر اپنے ردعمل میں عوامی مسلم لیگ کے سربراہ شیخ رشید کا کہنا تھا کہ سیاستدانوں کو عوام کا خیال رکھنا چاہئے ، جوش میں ہوش نہیں کھونا چاہئے جبکہ عوامی تحریک کے رہنما خرم نواز گنڈا پور کا کہنا تھا کہ نواز شریف اور پنجاب حکومت کے خلاف قتل کا مقدمہ درج ہونا چاہئے۔ یہ رحمت کے گھر والوں پر دبائو ڈال کر معاملہ کو دبانے کی کوشش کرینگے جیسا کہ سانحہ ماڈل ٹائون واقعہ کے بعد انہوں نے کرنے کی کوشش کی ۔ خرم نواز گنڈا پور کا کہنا تھا کہ اگر وفاقی حکومت کی نواز شریف کے قافلے میں موجود گاڑی سے بچہ جاں بحق ہوا ہے تو وفاقی وزیر داخلہ اور سیکرٹری داخلہ بھی مقدمہ میں نامزد ہونگے۔
