اسلام آباد (مانیٹرنگ ڈیسک) عائشہ گلا لئی تحریک انصاف اور عمران خان کے گلی کی ہڈی بن گئیں، آج دوپہر ڈھائی بجے بنی گالہ میں پارلیمانی پارٹی کا اجلاس طلب ، مشاورت کیلئے شیخ رشید کو بھی خصوصی دعوت دیدی گئی، فواد چوہدری اور بابر اعوان قومی اسمبلی کی اخلاقیات کمیٹی میں ہونیوالی تحقیقات کے قانونی پہلوئوں پر بریفنگ دیں گے۔ تفصیلات کے مطابق عائشہ گلا لئی
کا معاملہ تحریک انصاف اور عمران خان کے گلی کی ہڈی بن چکا ہے اور آج اسی سلسلہ میں بالآخر دوپہر ڈھائی بجے بنی گالہ میں تحریک انـصاف کی پارلیمانی پارٹی کا اجلاس طلب کر لیا گیا ہے جس میں عائشہ گلا لئی کے معاملے پر غوروحوض کیا جائے گا۔ اس سلسلے میں مشاورت کیلئے تحریک انصاف کے اہم اتحادی اور عوامی مسلم لیگ کے سربراہ شیخ رشید کو بھی خصوصی دعوت دی گئی ہے۔ اجلاس میں عائشہ گلا لئی معاملے پر آئندہ کی حکمت عملی پر بات چیت ہو گی جبکہ عمران خان پر ان ہی کی جماعت کی خاتون رکن کی جانب سے لگائے جانیوالے الزامات کی تحقیقات کیلئے قومی اسمبلی کی اخلاقیات کمیٹی میں حکمت عملی بھی زیر غور آئے گی۔ تحریک انـصاف کی پارلیمانی پارٹی کے اجلاس میںبیرسٹر فواد چوہدری اور بابر اعوان ایڈووکیٹ قومی اسمبلی کی اخلاقیات کمیٹی میں ہونیوالی تحقیقات کے دوران اور بعد کے قانونی پہلوئوں پر بریفنگ دیں گے۔واضح رہے کہ ایک جانب تو قومی اسمبلی کی اخلاقیات کمیٹی میں ہونیوالی تحقیقات کو تحریک انصاف مسترد کر چکی ہے جبکہ عمران خان نے نجی تی وی کو دئیے گئے اپنے ایک انٹرویو میں قومی اسمبلی کی اخلاقیات کمیٹی کو خوش آمدید کہتے ہوئے گورنر خیبرپختونخواہ اقبال ظفر جھگڑا اور ن لیگ خیبرپختونخواہ کے رہنما امیر مقام کو بھی عائشہ گلالئی اور اپنے ساتھ تحقیقات میں شامل کرنے کا مطالبہ کیا ہے
