اسلام آباد (مانیٹرنگ ڈیسک) عمران خان خود نہیں بلکہ عائشہ گلالئی کیساتھ کسی اور کی شادی کروانا چاہتے تھے۔ سینئر صحافی و تجزیہ کار حامد میر کی نجی ٹی وی سے گفتگو۔ تفصیلات کے مطابق سینئر صحافی و تجزیہ کار حامد میر کا کہنا ہے کہ عائشہ گلا لئی کے الزامات کے معاملے پر میری عمران خان سے ذاتی حیثیت میں بات ہوئی ہے اور انہوں نے عائشہ گلا لئی کے الزامات کو
مسترد کرتے ہوئے کہا ہے کہ میں عائشہ گلا لئی سے خود نہیں بلکہ کسی اور سے اس کی شادی کروانا چاہتا تھا۔ حامد میر کا کہنا تھا کہ عمران خان کا کہنا تھا کہ کیونکہ عائشہ گلا لئی خیبرپختونخواہ میں تحریک انصاف کی ایک سرگرم کارکن تھی اور ہر موقع پر موجود ہوتی تھیں، بم دھماکے کی صورت میں عائشہ سب سے پہلے جائے وقوعہ پر پہنچتی اور ابھی حال ہی میں انہوں نے لوڈ شیـڈنگ کے خلاف کامیاب دھرنا کیا ہےاور وہ نوجوان بھی ہیں تو ان کے حوالے سے بہت سے لوگ طرح طرح کی باتیں کرتے تھے تو میں چاہتا تھا کہ وہ شادی کر لیں ۔ اسی صورتحال کے باعث انہوں نے عائشہ کو پیش کش کی تھی کہ اگر وہ چاہیں تو ان کی شادی کیلئے کردار ادا کرسکتے ہیں۔حامد میر کا کہنا تھا کہ عائشہ گلا لئی نے انہیں جو میسجز دکھائے ہیں وہ ان کی تصدیق نہیں کر سکتے کہ آیا وہ عمران خان کے ہیں یا نہیں تاہم ان میسجز سے عائشہ گلالئی کے موقف کو تقویت ملتی ہے۔انہوں نے اس حوالے سے مزید کیا کہا۔۔ویڈیو ملاحظہ کریں!
