لاہور (مانیٹرنگ ڈیسک) پاکستان تحریک انصاف کے ترجمان نعیم الحق کا کہنا ہے کہ میں نے کبھی عائشہ گلالئی کو شادی کی پیشکش نہیں کی۔ سماجی رابطے کی ویب سائٹ پر پیغام میں نعیم الحق کا کہنا تھا کہ عائشہ گلالئی کو شادی کے حوالے سے میسج کیا لیکن اسکا ہر گز مقصد ان کو شادی کی پیشکش کرنا نہیں تھا۔ نعیم الحق نے اپنے اس عمل پر معافی بھی مانگی تاہم ان کا کہنا تھا کہ شادی کے حوالے سے کسی سے عمومی بات کرنے
میں کوئی حرج نہیں۔اس سے قبل عائشہ گلالئی نے نجی ٹی وی کے پروگرام میں انکشاف کیا تھا کہ عمران خان کے علاوہ انہیں پی ٹی آئی کے ترجمان نعیم الحق نے بھی میسج کیا اور لکھا کہ ” میں اکیلا ہوں اور شادی کرنا چاہتا ہوں”۔ عائشہ گلالئی کا کہنا تھا کہ ان کے پاس نعیم الحق کا میسج بھی محفوظ ہے۔دوسری جانب گزشتہ روز عائشہ گلالئی نے سینیئر صحافی حامد میر کو عمران خان کی جانب سے موصول ہونے والے پیغامات بطور ثبوت دکھائے۔
