کراچی (آن لائن) کراچی کے زیرزمین لائن سے تیل کی چوری کا تہلکہ خیز انکشاف سامنے آگیا۔تفصیلات کے مطابق شاہ لطیف ٹاؤن پولیس نے تیل کی چوری میں ملوث گینگ کے چار کارندے گرفتار کر لیے، ملزمان کا گروپ آٹھ افراد پر مشتمل ہے۔پولیس کے مطابق ملزمان نے ایک ماہ میں 52 فٹ کھدائی کرکے کراچی سے ملتان جانے والی ڈیزل کی مین لائن سے لاکھوں روپے کا تیل چوری کیا۔
پولیس نے ملیر ندی سے چار ملزمان دھرلیے، ملزمان چار سو فٹ پائپ کی مدد سے آئل ٹینکر بھرتے تھے۔ملزمان کیمطابق ایک ٹینکردو گھنٹے میں بھرتے جسے کاٹھورپربختارنامی شخص کو پانچ لاکھ روپے میں فروخت کرتے،مارکیٹ میں تیل کے ٹینکر کی مالیت چودہ لاکھ روپے سے زائد ہے۔
