اسلام آباد (این این آئی)پاکستان تحریک انصاف کے رہنما فواد چودھری نے کہا ہے کہ عمران خان یا تحریک انصاف کی نواز شریف فیملی کیساتھ ذاتی دشمنی نہیں ۔سپریم کورٹ کے باہرمیڈیا سے گفتگو میں پی ٹی آئی کے ترجمان نے کہاکہ آج ثابت ہوا ہے کہ طاقتور لوگ بھی قانون سے بالا تر نہیں ہیں ٗجیسے جیسے کیس چلتارہا ٗویسے ویسے یہ لوگ بے نقاب ہوتے رہے۔شریف فیملی اپنے بچوں کا ذرائع آمدن نہیں بتاسکی۔
فواد چودھری نے کہا کہ پاکستان کی جمہوریت آگے بڑھی ہے ٗپاکستان کو اب سیاسی طور پر آگے بڑھنا چاہیے ٗشاید ہی پاکستان میں کسی کو اتنا فیئر ٹرائل ملا ہو،ان کے پاس اپنے دفاع کیلئے تمام مواقع موجود تھے۔ترجمان تحریک انصاف نے کہا کہ خواجہ آصف ملک سے باہر چلے گئے ہیں ٗ اپوزیشن کا فرض ہے کہ وہ حکومت پر نظر رکھے۔انہوں نے کہا کہ پاناما کے بعد اقامہ کا اسکینڈل سامنے آیا ہے ٗاقامہ آپ کو بینک اکاؤنٹس کھولنے کا حق دیتاہے۔
