اسلام آباد(مانیٹرنگ ڈیسک)کیس نیب میں ضرور بھیجیں مگر پہلے وزیراعظم کو نا اہل قرار دیں،10سال کی نا اہلی اور 14سال کی سزا دیوار پر لکھی صاف نظر آرہی ہے۔ تحریک انصاف کے ترجمان و وکیل بیرسٹر فواد چوہدری کا پانامہ جے آئی ٹی عملدرآمد کیس کی سماعت کے موقع پر میـڈیا سے گفتگو۔ تفصیلات کے مطابق فواد چوہدری نے میـڈیا سے گفتگو کرتے ہوئے کہا ہے
کہ سپریم کورٹ وزیراعظم نواز شریف کے خلاف کیس نیب کو بھیج دے ہمیں بھی اس پر اتفاق ہے مگر پہلے وزیراعظم کو نا اہل قرار دے۔ ان کا کہنا تھا کہ وزیراعظم کے وکیل بہت اچھے ہیں، کیس میں دم نہ ہو تو اچھا وکیل کیا کرے۔ اقتدار میں آکر نواز شریف نے ملک لوٹا، اپنے جواب دیتے نہیں بنی گالہ والوں سے سوال کرتے ہیں، زیادہ سے زیادہ 15دن لگیں گے، کیس ختم ہو جائیگا، قوم جشن منانے کی تیاری کرے، عدالت نے کہا والیم 10کھول دیں، انہوں نے والیم 10 کھلوانے کی حامی نہیں بھری، یہ سب جھوٹ اور فراڈ میں ڈاکٹر ہیں، یہ اپنے وکیلوں سے مشاورت کر کے عدالت نہیں آتے۔فواد چوہدری نے کہا آج سپریم کورٹ میں بے عزتی سیشن ہوا ہے، کوئی معجزہ ہی نوازشریف اور ان کی فیملی کو 14 سال قید اور 10 سال کی نا اہلی سے بچا سکتا ہے۔ فواد چوہدری کا کہنا تھا کہ ویڈیو ریکارڈنگز پر سماعت کے دوران بات نہیں اور اگر شریف خاندان کی جے آئی ٹی میں پیشیوں کی ریکارڈنگز جاری کی گئی تو فلم انڈسٹری کو فائدہ ہو گا۔ وزیراعظم نواز شریف کے داماد کیپٹن(ر)صفدر کی ویڈیو کے ٹکٹ بلیک ہو جائیں گے۔فواد چوہدری کا کہنا تھا کہ ویڈیو ریکارڈنگز پر سماعت کے دوران بات نہیں اور اگر شریف خاندان کی جے آئی ٹی میں پیشیوں کی ریکارڈنگز جاری کی گئی تو فلم انڈسٹری کو فائدہ ہو گا۔ وزیراعظم نواز شریف کے داماد کیپٹن(ر)صفدر کی ویڈیو کے ٹکٹ بلیک ہو جائیں گے
