اسلام آباد(مانیٹرنگ ڈیسک) پاکستان تحریک انصاف پیپلزپارٹی کی مزید 2وکٹیں گرانے کیلئے تیاری ہے، پیپلزپارٹی کے رہنماؤں معظم جتوئی اور عامر وارن نے پی ٹی آئی میں شمولیت کا فیصلہ کرلیا ہے۔تفصیلات کے مطابق پیپلزپارٹی کے دونوں رہنماء معظم جتوئی اور عامروارن نے جہانگیرترین سے ملاقات کی، جس میں انہوں نے عمران خان کی قیادت پر اعتماد کااظہار کرتے ہوئے پی ٹی آئی میں شمولیت کا فیصلہ کیا۔
دونوں رہنما کچھ دیرمیں جہانگیرترین کے ہمراہ بنی گالہ جائیں گے، جہاں وہ پی ٹی آئی میں شمولیت کا باقاعدہ اعلان کریں گے۔خیال رہے کہ معظم جتوئی مظفرگڑھ سے ایم این اے اور وزیرمملکت برائے خوراک رہ چکے ہیں جبکہ عامر وارن 2008 میں بہاولپور سے ایم این اے رہ چکے ہیں۔یاد رہے گذشتہ ماہ پیپلزپارٹی کے سینیٹر اور سابق وزیر قانون ڈاکٹر بابر اعوان نے تحریک انصاف میں شمولیت کا اعلان کیا تھا.
