لاہور( این این آئی )وزیر دفاع خواجہ آصف نے عمران خان کو بنارسی ٹھگ قرار دیتے ہوئے کہا ہے کہ بدترین دشمن بھی نوازشریف کیخلاف کرپشن ثابت نہیں کر سکے۔وزیر دفاع خواجہ محمد آصف نے سماجی رابطوں کی ویب سائٹ ٹویٹر کے ذریعے پاکستان تحریک انصاف کے چیئرمین عمران خان کو سخت تنقید کا نشانہ بناتے ہوئے انہیں مفت بر بنارسی ٹھگ قرار دیدیا ۔ خواجہ آصف نے اپنی ٹویٹ میں لکھا کہ بوجھو تو جانیں۔
مطلقہ بیوی سے کروڑوں، بچے مفت پرورش، پاکستان میں اے ٹی ایم مشینیں، زکو ۃکے پیسے باہر، پراپرٹی سٹے میں اور جیب خالی، اتنا بڑا مفت بر بنارسی ٹھگ۔اس سے قبل ایک بیان میں ان کا کہنا تھا کہ پاکستان کے عوام کو کوئی بے وقوف نہیں بنا سکتا۔ تحریک انصاف نے ترقی کی راہ میں دھرنا دیا تھا۔ بدترین دشمن بھی نوازشریف کیخلاف کرپشن ثابت نہیں کر سکے۔ میرا رب نواز شریف کی عزت مزید بڑھائے گا۔
