اسلام آباد (مانیٹرنگ ڈیسک) چوہدری نـثار اور وفاقی کابینہ کے اہم اراکین سے دو مرتبہ ملاقاتیں، ن لیگ میں شمولیت کی خبروں نے پاکستانی سیاست میں ہلچل مچا دی۔ تفصیلات کے مطابق پاکستان پیپلزپارٹی کے سابق رہنما اور آصف زرداری کے قریبی ساتھی ذوالفقار مرزا کی کراچی میں ایک ہفتے کے دوران وفاقی وزیر داخلہ چوہدری نثار اوروفاقی کابینہ کے اہم اراکین سے دو مرتبہ ملاقاتیں ہو چکی ہیں۔ سیاسی پنڈت ان ملاقات کو نہایت
اہم قرار دیتے ہوئے ذوالفقار مرزا کی ن لیگ میں شمولیت کیلئے ابتدائی مرحلہ قرار دے رہے ہیں۔ بتایا جا رہا ہے کہ ذوالفقار مرزا نے پیپلزپارٹی کے دروازے بند ہونے اور آصف زرداری کو ٹف ٹائم دینے کیلئے آئندہ انتخابات میں حکومتی جماعت میں شامل ہونے کا فیصلہ کیا ہے اور اسی سلسلے میں ان کی ن لیگ کی اہم شخصیات سے ملاقاتیں جاری ہیں تاہم ان کی ن لیگ میں شمولیت کے حوالے سے کوئی حتمی اطلاع نہیں۔
