اسلام آباد(مانیٹرنگ ڈیسک)اغوا ہونے والے نوجوان کی ماں عمران خان کے پاس پہنچ گئی، پولیس اور انتظامیہ کے ناروا روئیے کی شکایت، عمران خان نے ایم پی اے اور وزیراعلیٰ خیبرپختونخواہ پرویز خٹک کو وہیں کھڑے کھڑے دکھی ماں کی داد رسی کے احکامات جاری کر دئیے،
تسلی دیتے رہے۔ تفصیلات کے مطابق خیبرپختونخوا میں اغوا ہونے والے ایک نوجوان کی ماں ایک تقریب کے دوران عمران خان کے پاس فریاد لے کر پہنچ گئی، بیٹے کی بازیابی کیلئے درخواست کرتے ہوئے پولیس اور انتظامیہ کی شکایات کے انبار لگا دئیے۔ عمران خان نے علاقے کے ایم پی اے کو فوری طور پر نوجوان کی بازیابی کیلئے ہدایات دیں تو اسی دوران وہاں وزیراعلیٰ خیبرپختونخوا پرویز خٹک بھی پہنچ گئے۔ عمران خان نے ایم پی اے کے ہاتھ سے درخواست لے کر پرویز خٹک کو دیتے ہوئے انہیں بتایا کہ اس خاتون کا بیٹا اغوا ہو گیا ہے اور پولیس کسی قسم کی کارروائی سے گریز کر رہی ہےجس پر فوری کارروائی ہونا ضروری ہے آپ فوری طور پر اس خاتون کا بیٹا بازیاب کروائیں جس پر پرویز خٹک نے درخواست لیتے ہوئے خاتون سے ضروری معلومات حاصل کرنا چاہی لیکن خاتون پولیس کے ناروا سلوک اور بیٹے کی بازیابی کیلئے مسلسل عمران خان سے شکایات کرتی رہی۔ مزید کیا ہوا اس کیلئے ویڈیو ملاحظہ کریں۔۔!
