اوکاڑہ(مانیٹرنگ ڈیسک) وزیر اعلیٰ پنجاب میاں شہباز شریف کی ڈرامائی انداز میں اوکاڑہ انٹری۔ تفصیلات کے مطابق وزیر اعلیٰ پنجاب میاں محمد شہباز شریف نے بغیر کسی پیشگی اطلاع اپنا ہیلی کاپٹر اوکاڑہ کی تحصیل دیپالپور میں ہیڈ سلیمانکی کے مقام پر اتارنے کا حکم دے دیا۔ جس جگہ ہیلی کاپٹر اتارا گیا وہاں کوئی سرکاری گاڑی نہیں تھی جس پر شہباز شریف نے سڑک سے گزرنے والی ایک گاڑی کو روکا اور اس میں بیٹھ کر بغیر پروٹوکول ہیڈ سلیمانکی کے گندم خریداری مرکز جا پہنچے۔
وزیر اعلی کی آمد پر کاشتکاروں کی بڑی تعداد مرکز پر جمع ہو گئی اور وزیر اعلی کا اچانک چھاپہ کھلی کچہری میں بدل گیا- وزیر اعلی نے کاشتکاروں کے مسائل سنے اور موقع پر ہی ان کے حل کیلئے ہدایات جاری کیں۔
