اسلام آباد( آئی این پی ) وزیراعظم محمد نوازشریف کے ترجمان ڈاکٹر مصدق ملک نے کہا ہے کہ وزیراعظم کے لہجہ پر اعتراض کرنے والے اپنی تقریروں پر غور کریں ، وزیراعظم ہاؤس کا نوٹیفکیشن ایک انٹرنل نوٹیفکیشن تھا، اداروں کے درمیان بات ٹوئٹس کے ذریعے نہیں ہونی چاہیے، ٹوئٹ کا جواب دنیا کا کوئی وزیراعظم نہیں دیتا ۔ وہ منگل کو نجی ٹی وی پروگرام میں گفتگو کررہے تھے ۔
انہوں نے کہا کہ ڈان لیکس کا تفصیلی اعلان وزیرداخلہ چوہدری نثار کریں گے ، ٹوئٹ کا جواب دنیا کا کوئی وزیراعظم نہیں دیتا ، وزیراعظم ہاؤس کا نوٹیفکیشن ایک انٹرنل نوٹیفکیشن تھا، اداروں کے درمیان ٹوئٹس کے ذریعے نہیں ہونی چاہیے ۔ وزیراعظم کے لہجہ پر اعتراض کرنے والے اپنی تقریروں پر غور کریں پھر دوسروں پر انگلیاں اٹھائیں ۔ واضح رہے کہ آئی ایس پی آرکے ٹویٹس پر چوہدری نثار نے شدیدردعمل کا اظہار کیاتھا۔
