اسلام آباد(آئی این پی ) اسلام آباد میں ائیرپورٹ پر نارویجین خواتین پر تشدد کرنے والی ایف آئی اے کی لیڈی کانسٹیبل غزالہ شاہین کو نوکری سے برطرف کردیا گیا ۔ بے نظیرانٹر نیشنل ائیرپورٹ پر غزالہ شاہین نامی ایف آئی اے کی لیڈی کانسٹیبل نے پاکستانی نژاد نارویجین خواتین پرتشدد کیا تھا اور خواتین کو راول لاؤنچ سے ڈیپارچر لاؤنج تک بالوں سے پکڑ کرلائی تھی،
خواتین مسافروں پر تشدد کی ویڈیو منظرعام پر آنے کے بعد ڈائریکٹر ایف آئی اے نے غزالہ شاہین کو معطل کر دیا تھا جب کہ چیف جسٹس نے تشدد کے واقعے کا ازخود نوٹس لیتے ہوئے تین روزمیں رپورٹ طلب کی تھی۔ تحقیقات کی روشنی میں لیڈی کانسٹیبل غزالہ شاہین کو تشدد کے جرم میں نوکری سے ہاتھ دھونا پڑگئے جب کہ انسپکٹر ندیم کا کیس ہیڈ کوارٹر بھجوا دیا گیا ۔
