اسلام آباد(مانیٹرنگ ڈیسک)عوامی مسلم لیگ کے سربراہ شیخ رشید احمد کوان کی والدہ افہیم کھلاکرسلاتی تھیں۔ایک نجی ٹی وی کے پروگرا م میں شیخ رشید احمد نے معروف صحافی سہیل وڑائچ سے گفتگوکرتے ہوئے اپنے ماضی کی یادیں بھی تازہ کیں۔سہیل وڑائچ کے ایک سوال پرشیخ رشید نے اپنی والدہ کوبہت یادکیااوروالدہ سے وابستہ اپنی یادوں کی باتیں کیں ۔شیخ رشید نے بتایاکہ میںبچپن سے ہی والدہ کے پاس سوتاتھا

اورمیرے بہن بھائی جوبعدمیں پیداہوئے ا ن کومیں پسند نہیں کرتاتھاکہ وہ والدہ کے ساتھ سوئیں تب میری والدہ محترمہ کویہ خدشہ رہتاتھاکہ کہیں میں ان سے لڑائی ہی نہ کربیٹھوں جس کی وجہ سے وہ مجھے افہیم کھلادیتی تھیں اورمیں سوجاتاتھا۔شیخ رشید کے اس انکشاف پرسہیل وڑائچ نے ان سے سوال کیاکہ آپ اب افہیم کانشہ تونہیں کرتے؟ توشیخ ر شید نے مسکراتے ہوئے جواب دیاکہ میری عمر65برس ہے لیکن میں نے زندگی بھرکوئی نشہ نہیں کیاجبکہ میرے محلے کے کئی لڑکے نشئی ہیں اورکچھ افہیمی ہیں لیکن میں نے کبھی کوئی نشہ نہیں کیا ۔سہیل وڑائچ نے ان سے سوال کیاکہ آپ کی انکی نشئیوں سے دوستی ہے توشیخ رشید نے مسکراتے ہوئے جواب دیاکہ میری ان سے کوئی دوستی نہیں  اوران میں کچھ پوڈری بھی ہیں وہ میرے پاس آتے ہیں اورمیرے ساتھ گپیں ضرورمارتے رہتے ہیں او ر عوامی نمائند ہ ہونے کی وجہ سے ان کوبھی وقت دیناپڑتاہے کیونکہ ان کابھی توایک ووٹ ہوتاہے ۔۔شیخ  رشیدنے بتایاکہ میں شروع سے ہی عوام کی خدمت کر تاآیاہوں اورہردورحکومت چاہے میں اقتدارمیں رہایانہیں رہامیں عوام کی خدمت کی ہے جس کی وجہ سے عوام میرے ساتھ محبت کرتے ہیں ۔انہوں نے کہاکہ جولیڈرعوام کے مسائل نہیں سمجھتاوہ لیڈرنہیں بلکہ اقتدارکابچاری ہوتاہے ۔انہوں نے کہاکہ میں نے اپنی اوقات سے بڑی کرعوا م کی خدمت کی ہے ۔