اسلام آباد(مانیٹرنگ ڈیسک) وزیراعظم نوازشریف کے قریبی عزیزاورمسلم لیگ (ن) کے رہنماسہیل ضیابٹ نے بھی تخت لاہورکےخلاف طبل جنگ بجادیااوراپنی الگ پارٹی بنانے کااعلان کر دیاہے ۔ایک نجی ٹی وی کی رپورٹ کے مطابق سہیل ضیابٹ نے کہاہے کہ تحت لاہورکوگراکررہیں گے اوراب خاندانی سیاست کے خاتمے کاوقت آگیاہے ۔انہوں نے کہاکہ ایک خاندان نے ملک کوحکمرانی کے ذریعے یرغمال بنارکھاہے ۔

سہیل ضیابٹ نے کہاکہ عوام تخت لاہورکے خلاف اٹھ کھڑے ہوں ۔انہوں نے کہاکہ اب خاندانی سیاسست نہیں چلنے دینگے ۔ سہیل ضیابٹ نے کہا کہ اب نظام کی تبدیلی کا وقت آگیاہےتبدیلی کبھی خودنہیں آیاکرتی بلکہ نظام کوتبدیل کرکے تبدیلی لائی جاتی ہے ۔سہیل ضیابٹ نے کہاکہ وہ نوجوانوں کو بے وقوف بنانیوالے لیڈروں کو تبدیلی کا اصل مقصد سمجھائیں گے ، تعلیمی اداروں سے فارغ ہونیوالے بچے جب اس میدان میں آئیں گےتب وہ انقلاب لائیں گے ،سہیل ضیابٹ نے کہاکہ مجھے نوجوانوں سے بڑی توقعات ہیں جن سے ہمیشہ پارٹیاں وعدہ کرتی رہیں لیکن وعدے پورے نہیں کئے جاتے بلکہ صرف ووٹ لئے جاتے رہے ہیں۔انہوں نے کہاکہ میں نوجوانوں کابااختیاربناناچاہتاہوں ۔انہوں نے کہاکہ کسی بڑے سیاستدان کوٹکٹ نہیں دینگے بلکہ پارٹی کے کارکنوں کوہی ٹکٹ دیاجائے گا۔انہوں نے کہاکہ سیاست میں بڑے بڑے مگرمچھ بیٹھے ہیں جوعوام کے حقوق غصب کررہے ہیں ۔انہوں نے کہاکہ میں کسی سے ذاتی دشمنی میں الگ سے پارٹی نہیں بنارہابلکہ صرف عوام کی خدمت کےلئے یہ کام کرنے جارہاہوں انہوں نے کہا کہ کسی سیاستدان کو جماعت میں شامل نہیں کرناچاہتے،صرف عوامی خدمت رکھنے والے کارکنان کو ہی ٹکٹ دیاجائے گا۔۔انہوں نے کہاکہ عوام نے تمام جماعتوں کوآزمالیاہے اورسب سے تنگ ہیں اس لئے نئی جماعت بنانے کااعلان کیاہے ۔

موضوعات:وزیراعظم