کوٹلی(این این آئی)سابق سینئروزیرملک محمدنوازخان کے دیرینہ ساتھی مسلم کانفرنس کے مرکزی رہنماؤں سابق جج ملک عبدالرشیداورڈاکٹرمشتاق ملک نے گزشتہ روزمسلم لیگ ن کے مرکزی رہنماوٹکٹ ہولڈرملک محمدیوسف کی قیادت میں وزیراعظم راجہ فاروق حیدرخان سے ملاقات کی اورمسلم کانفرنس چھوڑکرمسلم لیگ ن میں باضابطہ شمولیت کااعلان کیا
دونوں شخصیات نے اپنے خاندانوں اوردیگراحباب وشخصیات کے ساتھ مسلم لیگ ن میں شمولیت کااعلان کرتے ہوئے کہاکہ ہمیں وزیراعظم راجہ فاروق حیدرخان اور ٹکٹ ہولڈرملک محمدیوسف کی قیادت پرمکمل اعتمادہے انہوں نے کہاکہ مسلم لیگ ن کی حکومت ضلع کوٹلی کے اندرتعمیروترقی کاانقلاب لائے گی بالخصوص حلقہ ایک کے اندرگزشتہ پینتیس سالوں سے ہونے والی زیادتیوں کاازالہ کریگی۔وزیراعظم نے دونوں شخصیات کی اپنے خاندانوں سے سمیت مسلم لیگ ن میں شمولیت کاخیرمقدم کرتے ہوئے کہاکہ دونوں شخصیات کے آنے سے مسلم لیگ ن حلقہ ایک اورضلع کوٹلی کے اندرمضبوط ہوگی ٹکٹ ہولڈرملک محمدیوسف نے دونوں شخصیات کی ن لیگ میں شمولیت کااعلان زبردست الفاظ میں خیرمقدم کیا۔
