فیصل آباد (مانیٹرنگ ڈیسک) کپتان کا ایسا دیوانہ سامنے آگیا کہ جس نے دیکھا جس نے سنا وہ عمران سے نوجوان کی محبت پر عش عش کر اٹھا۔تفصیلات کے مطابق فیصل آباد کے رہائشی شہباز نامی نوجوان نے تحریک انصاف کے چیئرمین عمران خان سے محبت کے اظہار کاانوکھا
اور نرالا طریقہ اپناتے ہوئے اپنی شادی کے کارڈ پر کپتان کی تصویر چھپواکر’’پی ٹی آئی کو ووٹ دو‘‘کی اپیل بھی تحریر کر وادی۔کپتان کے دیوانے شہباز کا کہنا ہےکہ وہ عمران خان کا بہت برا فین ہوں اور اسی لئے شادی کے کارڈز پر عمران خان کی تصویر بھی چھپوائی ۔اس نے امید ظاہر کرتے ہوئے کہا کہ مجھے امید ہے کہ عمران خان میری چاہت اور محبت کو دیکھتے ہوئے میری شادی میں ضرور تشریف لائیں گے، شہباز کی خواہش ہے کہ عمران خان اسے شادی کا سہرا اپنے ہاتھ سے باندھیں۔ شہباز کی والدہ بھی کپتان کی دیوانی ہیں شاید شہباز کو کپتان کی محبت ورثے میںملی ہے ۔ شہباز کی والدہ بھی بیٹے کی شادی میں عمران خان کی آمد کی امید لگا کر بیٹھی ہیں ۔ دونوں ماں بیٹے کی شدید خواہش ہے کہ کپتان شادی کی تقریب میں شامل ہو کر اسے ہمیشہ کیلئے یادگار بنا دیں۔شہباز کی والدہ بھی بیٹے کی شادی میں عمران خان کی آمد کی امید لگا کر بیٹھی ہیں ۔ شہباز نے ڈھولکی کی تقریب میں روایتی شادی بیاہ کے نغموں کے بجائے پی ٹی آئی ترانے بھی چلوائے ہیں۔
