اسلام آباد(آئی این پی)پاکستان تحریک انصاف کے وائس چیئرمین شاہ محمود قریشی نے کہا ہے کہ وزیراعظم نوازشریف کو اخلاقی طورپرمستعفی ہوجاناچاہیے،تمام سیاسی جماعتیں وزیراعظم سے استعفے کامطالبہ کرتی ہیں،3ججزنے2سینئرججزسے اختلاف نہیں کیا،وزیراعظم کی موجودگی میں جے آئی ٹی کوآزادانہ تحقیق کاموقع نہیں ملے گا۔وہ جمعہ کو نجی ٹی وی پروگرام میں گفتگو کررہے تھے ۔انہوں نے کہا کہ 2ججز نے وزیراعظم

کو نااہل قراردیاہے اورباقتی تین ججز نے بھی ان سے اختلاف نہیں کیا ،تمام سیاسی جماعتیں وزیراعظم سے استعفے کامطالبہ کرتی ہیں،اب دیگر جماعتیں بھی ہمارے ساتھ یکسوئی کررہی ہیں۔انہوں نے کہا کہ آصف زرداری اورعمران خان کی طرزسیاست میں فرق ہے، ہم نے عدالت جانے سے پہلے سیاسی جماعتوں کودعوت دی تھی،تحریک انصاف نے پناماایشوکوزندہ رکھا، پیپلزپارٹی سمجھتی تھی عدالت جانے سے کچھ نہیں ہوگا