سیالکوٹ/ پسرور (مانیٹرنگ ڈیسک) توہین انبیاءو توہین رسالت مآب ﷺ کے الزام میں ایک شخص کو تین نقاب پوش خواتین نے گھر میں گھس کر فائرنگ کر کے قتل کر دیا۔ قتل کے بعد خواتین فرار ہونے کے بجائے دکان پر بیٹھ کر بسکٹ کھاتی اور مشروب پیتی رہیں۔ پولیس نے حراست میں لے لیا۔تفصیلات کے مطابق تھانہ صدر پسرور کے گاؤں ننگل مرزا میں 3 نقاب پوش خواتین دم کروانے کے بہانے اظہر عباس شاہ کے
گھر میں داخل ہوئیں اور پاکستان اور ڈنمارک کی دوہری شہریت رکھنے و الے اس کے بھتیجے 50 سالہ فضل عباس کو فائرنگ کر کے موقع پر ہی ہلاک کر دیا۔ تینوں ملزم خواتین افشاں، آمنہ اور رضیہ فضل عباس کو قتل کرنے کے بعد فرار نہ ہوئیں اور گاؤں کی ایک دکان پر بیٹھ کر مشروب پیتی اور بسکٹ کھاتی رہیں، اسی دوران پولیس نے موقع پر پہنچ کر انہیں گرفتار کر کے قتل میں استعمال ہونے والا اسلحہ برآمد کر لیا۔
