اسلام آباد(مانیٹرنگ ڈیسک)آصف زرداری اور نواز شریف کی صورتحال اس شعر کے مصداق ہے کہ ’’آئوعندلیب کریں مل کر آہ و زاریاں‘‘، پیپلزپارٹی کے کو چیئرمین جلد نواز شریف پر پھٹنے والے ہیں ، ملک میں افراتفری شروع ہو چکی جو تھمے گی نہیں،
سینئر صحافی و تجزیہ کارڈاکٹر شاہد مسعود کا نجی ٹی وی پروگرام میں انکشاف۔ تفصیلات کے مطابق سینئر صحافی و تجزیہ کار ڈاکٹر شاہد مسعود نےنجی ٹی وی پروگرام میں گفتگو کرتے ہوئے کہا ہے کہ جلد پیپلزپارٹی کے کو چیئرمین آصف علی زرداری نواز شریف پر پھٹ پڑیں گے اور کہیں گے کہ آپ نے مجھے پاکستان کیوں بلوایا ، میرے تمام مہرے پیٹ دئیے گئے ہیں، ڈاکٹر عاصم ہسپتال میں پڑے ہیں، شرجیل میمن کا نام ای سی ایل میں ڈال دیا گیا ہے،میرے تین ساتھی گرفتار ہو چکے،میں تو مریم بیٹی کی ٹویٹ پڑھ کر پاکستان آیا تھا اور آپ نے کہا تھا کہ راحیل شریف چلے گئے ہیں، خزائیں چلی گئی ہیں اور بہاریں آگئی ہیں، چار ماہ سے کچھ نہیں ہو رہا ۔ جس پر میاں نواز شریف آصف زرداری کو جواب دیں گے کہ میں خود پھنس گیا ہوں ۔ ڈاکٹر شاہد مسعود کا کہنا تھا کہ آصف زرداری اور نواز شریف کی حالت اس شعر کے مـصرعہ کے مصداق ہے کہ’’آئو عندلیب کریں مل کر آہ و زاریاں‘‘۔ ان کا مزید کہنا تھا کہ دونوں رہنمائوں کو اس وقت صورتحال سمجھ نہیں آرہی جس سے افراتفری پیدا ہونے کا خدشہ ہے جو کہ کراچی سے شروع ہو چکی ہے جہاں بازار بندہونا شروع ہو چکے ہیں اور مظاہرے ہو رہے ہیں اور ایک مرتبہ افراتفری شروع ہوئی تو وہ تھمے گی نہیں بلکہ پھیلتی چلی جائے گی۔
