اسلام آباد(مانیٹرنگ ڈیسک)پاکستان تحریک انصاف کے سربراہ عمران خان کا نجی ٹی وی پروگرام میں گفتگو کرتے ہوئے کہنا تھا کہ میرا گھر باہر سے خوبصورت مگر اندر سے خالی ہے اور ایسا سادہ گھر آپ نے شاید ہی کسی کا دیکھا ہو۔ پروگرام کی میزبان کے سوال کہ آپ اسکے اخراجات کو کیسے مینج کرتے ہیں؟ کے جواب میں عمران خان نے کہا کہ 1999ء میں مجھے ایک دم بُرے حالات کا سامنا کرنا پڑ گیا تھا کیونکہ میرا سارا وقت سیاست میں گزر جاتا تھا یا شوکت

خانم اسپتال کی امور دیکھتے ہوئے ، میرے پاس کوئی دوسرا کام نہیں تھا جس سے میں پیسے جمع کر سکوں اور میرے پاس پیسے ختم ہوچکے تھے لیکن اللہ نے میری ایسی مدد کی کہ ورلڈ کپ کےدن نزدیک آگئے ، جس میں مختلف اشتہارات کے ذریعے میں نے 6 ہفتوں کے دوران 90 لاکھ روپے کمائے۔ 1999ء سے لے کر 2003ء تک میں نے انہی پیسوں سے سارا خرچ اٹھایا ۔ اسکے بعد پھر 2003ء کا ورلڈ کپ قریب آگیا جس سے پھر میں نے پیسے اکٹھے کیے۔