لاہور(مانیٹرنگ ڈیسک)پاکستان بھر میں امتحانات میں پوزیشن ہولڈز طلباء وطالبات کو پنجاب حکومت کی جانب سے یورپ ٹرپ کیلئے دعوت نامہ موصول ہورہے ہیں ۔ اِس حوالے سے حکومت پنجاب براہ راست سٹوڈنٹس سے رابطہ کر رہی ہے۔یاد رہے کہ حکومت پنجاب ذہین طلبا و طالبات کی حوصلہ افزائی کیلئے ملک بھر سے پوزیشن ہولڈز کے اعزاز میں لاہور میں تین روزہ شاندار و پُرتپاک تقریب کا انعقاد کر چکی ہے ،جس میں
حکومت کی جانب سے یورپ کے ٹرپ کے علاوہ فی کس چار لاکھ انعامی رقم کا بھی اعلان کیا گیا تھا۔ شہباز شریف کی قیادت میں حکومت پنجاب ذہین و ہونہار طلباء طالبات کو بااختیار بنانے کیلئے وسائل کی فراہمی کو سود مند سرمایہ کاری تصورکرتی ہے، جب کہ انہیں دنیا بھر میں بدلتے ہوئے حالات سے آگاہی دینے کے پروگراموں کیلئے بھی اپنے تمام تر وسائل بروئے کار لا رہی جسکا دائرہ کار پاکستان بھر تک پھیلا دیا گیا ہے۔
