اسلام آباد (آئی این پی) ایک سال قبل اغوا ہونے والے مظفر گڑھ کے رہائشی نوجوان کی نعش دوست سے گھر سے برآمد ہوئی۔ مغوی کو کافی عرصہ قبل قتل کر کے دفنا دیا گیا تھا، تھانہ شہزاد ٹاؤن پولیس نے پہلے بھی ملزمان کوگرفتار کر کے چھوڑ دیا تھا۔سی آئی اے نے دوبارہ انہی ملزمان سے تفتیش کر کے لاش برآمد کر لی۔ پولیس ذرائع کے مطابق مغوی سرفراز کی نعش اس کے دوست عثمان
کے گھر سے برآمد ہوئی۔ اب صرف ہڈیاں ملی ہیں۔ پولیس ذرائع کے مطابق گھر والوں نے نوجوان کے کپڑوں سے شناخت کی۔ واضح رہے کہ نوجوان سرفراز دس مارچ 2016 کو شہزاد ٹاؤن سے اغوا ہوا تھا۔ سرفراز مظفر گڑھ کا رہائشی تھا اور چچا کے ساتھ اسلام آباد میں قیام پذیر تھا۔
