لاہور( این این آئی)پاکستان تحریک انصاف پیر کے روز حکومتی رکن قومی اسمبلی جاوید لطیف کے خلاف تحریک استحقاق پیش کر ے گی ۔ پی ٹی آئی کے مرکزی رہنما عارف علوی کے مطابق جاوید لطیف کی نا اہلی کے لئے کل منگل کے روز ریفرنس بھی دائر کیا جائے گا۔ دوسری طرف تحریک انصاف کے سربراہ عمران خان نے کہا ہے کہ جاویدلطیف کے خلاف وزیراعظم کے ایکشن کاانتظارہے، لیگی رکن قومی اسمبلی نے
اخلاقیات کی تمام حدیں پارکیں۔اگرانہیں اسمبلی سے اٹھاکرباہرنہیں پھینکاگیاتویقین ہوجائیگانوازشریف کے اشارے پرمرادسعیدکونشانہ بنایاگیا۔نوشہرہ میں قاضی حسین احمد میڈیکل کمپلیکس کی افتتاحی تقریب سے خطاب میں عمران خان نے کہا کہ جاوید لطیف نے مراد سعید کے خلاف جو الفاظ استعمال کئے،،نواز شریف کو اس پر معافی مانگنی چاہیئے۔ اگر انکی پارٹی کا کوئی ایم این اے ایسا کام کرتا تو پارٹی سے نکال دیتا۔
