لاہور(آن لائن ) ریلوے پولیس نے عوامی مسلم لیگ کے سربراہ شیخ رشید پر جوتا پھینکنے والے بزرگ شہری کو رہا کر دیا ہے. ایڈیشنل سیشن جج اعجاز احمد بوسال نے جسٹس پارٹی کے سربراہ منصف اعوان کی درخواست پر سماعت کی جس میں شیخ رشید پر جوتا پھینکنے والے بزرگ شہری کی رہائی کی استدعا کی گئی. سماعت کے دوران درخواست گزار وکیل نے عدالت کو بتایا کہ ریلوے پولیس نے عوامی مسلم لیگ کے سربراہ
شیخ رشید پر لاہور ریلوے اسٹیشن پر جوتا پھینکنے والے ایک بزرگ شہری کو حراست لے تھا. منصف اعوان ایڈووکیٹ کے مطابق شیخ رشید نے فقیر محمد کے خلاف اندراج مقدمہ کی کوئی درخواست نہیں دی لیکن اس کے باوجود ریلوے پولیس نے بزرگ فقیر محمد کو غیر قانونی حراست میں رکھا ہوا ہے. ریلوے پولیس نے بتایا کہ فقیر محمد کو رہا کر دیا گیا. عدالت نے پولیس کی رپورٹپر شہری کی رہائی کی درخواست نمٹا دی.
