اسلام آباد (آن لائن)تحریک انصاف کے سربراہ عمران خان اورسینیٹربابراعوان کے درمیان گزشتہ روزبنی گالہ میں اہم ملاقات ہوئی ،ملاقات میں پانامہ کیس کے حوالے سے تفصیلی تبادلہ خیال کیاگیا۔عمران خان نے اس موقع پرامیدظاہرکی ہے کہ عدالت عظمیٰ بہت جلدعوامی توقعات کے مطابق جلدفیصلہ سنانے والی ہے اورتحریک انصاف کی یہ بہت بڑی کامیابی ہے کہ عوام کوسڑکوں پرلاکرملکی تاریخ میں پہلی باروزیراعظم کوعدالت میں تلاشی پرمجبورکردیاہے ۔انہوں نے کہاکہ پانامہ کیس پرعدالت کاجوبھی فیصلہ آئے گااس کے ملکی سیاست پردوررس اثرات مرتب ہوں گے ۔

عدالت عظمیٰ نے حدیبیہ پیپرملزکے حوالے سے عدالت عالیہ کافیصلہ اوردیگردستاویزات کابھی بغورجائزہ لیاہے اورہمیں پوری امیدہے کہ عدالت کافیصلہ قوم کی لوٹی گئی دولت واپس لانے میں بہت معاون ثابت ہوگااورآئندہ کوئی بھی طاقتورشخص قومی دولت لوٹنے سے پہلے دس بارسوچے گا۔بابراعوان سے گفتگوکرتے ہوئے عمران خان نے کہاکہ فیصلہ محفوظ ہونے کے بعدحکمرانوں کی نیندیں اڑچکی ہیں اورنوازشریف کی سیاست بری طرح گرداب میں پھنس چکی ہے ۔دونوں رہنماؤں نے پانامہ کیس کے فیصلے کے بعدسیاسی حکمت عملی پربھی تبادلہ خیال کیا

موضوعات:بنی گالہ عمران خان