اسلام آباد(مانیٹرنگ ڈیسک)عوامی لیڈر کا عوامی فیصلہ، قذافی سٹیڈیم کی فرشی سیٹس پر عام عوام کے درمیان پی ایس ایل کا فائنل دیکھنے کے فیصلے کے بعد اب لاہور تک کا سفر بھی عوامی ہو گا۔تفصیلات کے مطابق عوامی مسلم لیگ کے سربراہ شیخ رشید احمد نے پاکستان سپر لیگ کے لاہورقذافی سٹیڈیم میں ہونے والے فائنل میچ کیلئے
راولپنڈی سے لاہور جانے کیلئے ریل کارکاایک ٹکٹ حاصل کر لیا ہے۔ شیخ رشید نے فائنل میچ دیکھنےکیلئے راولپنڈی سے بذریعہ ٹرین لاہور پہنچنے کا فیصلہ کیا ہے۔ ٹرین میں سفر میچ دیکھنے کی سرگرمی کو عوامی رنگ دینے کیلئے کیا گیا ہے جبکہ پنجاب حکومت کی جانب سے عوامی سفر میں رخنہ اندازی اور رکاوٹ پیدا کرنے کی صورت میں متبادل انتظام کے طور پر عوامی لیڈر نے جہاز کا بھی ایک ٹکٹ خرید رکھا ہے اور ہر حال میں عوامی رنگ میں لاہور پہنچ کر پاکستان سپر لیگ کا فائنل عوام کے درمیان رہ کر دیکھنے کیلئے پر عزم ہیں۔
