لاہور (مانیٹرنگ ڈیسک) وزیر اعلی پنجاب میاں محمد شہباز شریف نے کہا ہے کہ لاہور میں کرکٹ شائقین کا گرمجوشی سے استقبال کروں گا ۔ اس عزم کا اظہار انہوں نے سماجی رابطے کی ویب سائٹ ٹوئٹر پر اپنے ایک پیغام میں کہا ۔ وزیر اعلی پنجاب نے کہاکہ پاکستان سپرلیگ کے فائنل کے لئے لاہور کے قذافی سٹیڈیم میں تیاریاں عروج پر ہیں اور انشاء اللہ فائنل کے لئے ملک کے کونے کونے سے آنے والے کرکٹ شائقین کا

گرمجوشی سے خیر مقدم کروں گا ۔ وزیر اعلیٰ پنجاب میاں محدم شہباز شریف نے سماجی رابطے کی ویب سائٹ ٹویٹر پر اپنے پیغام کے ساتھ قذافی سٹیڈیم کی زبردست تیاریوں اور تزئین وآرائش کے ساتھ تصاویر اور وڈیو بھی شیئر کی۔ عوامی حلقوں کی جانب سے وزیر اعلیٰ پنجاب میاں شہباز شریف کی پاکستان میں بین الاقوامی کرکٹ کو واپس لانے کی کاوشوں کو بھرپور انداز میں سراہا جا رہا ہے۔

Qaddafi Stadium this morning … Top-of-the-line preparations underway… Looking forward to welcome you in Lahore …. pic.twitter.com/i1txeRuT2b

— Shehbaz Sharif (@CMShehbaz) March 3, 2017