اسلام آباد(مانیٹرنگ ڈیسک)زمین پھٹی نہ آسمان گرا، فیصل آباد میں درندہ صفت سوتیلے باپ کی 13سالہ سوتیلی بیٹی سے زبردستی شادی کی کوشش ۔ تفصیلات کے مطابق تھانہ سول لائن پولیس نے ریحانہ کوثر نامی خاتون کی اطلاع پر فیصل آبادکے علاقے اسلام نگر میں 41سالہ سوتیلے باپ کی 13سالہ سوتیلی بیٹی سے زبردستی شادی کی کوشش
ناکام بناتے ہوئے ملزم شعیب کو گرفتار کر لیا ہے۔ریحانہ کوثر نامی خاتون نے پولیس کو اطلاع دی کہ اس کا شوہر شعیب جس سے اس کی دوسری شادی ہے اس کی پہلے شوہرسے 13سالہ بیٹی کنزیٰ سے زبردستی شادی کر رہا ہے جس پر تھانہ سول لائن پولیس نے بروقت کارروائی کرتے ہوئے ملزم شعیب کو 13سالہ کنزیٰ کیساتھ زبردستی شادی کرتے ہوئے رنگے ہاتھوں پکڑ لیا اور بچی کو بازیاب کرا لیا ہے۔ کنزیٰ نے بتایا کہ اس کا سوتیلا باپ شعیب اس سے قبل بھی اس کے ساتھ زیادتی کی کوشش کر چکا ہے جبکہ جنسی طور پر ہراساں بھی کرتا تھا جبکہ آج وہ اس سے زبردستی شادی کرنے جا رہا تھا۔ ملزم کی گرفتاری کے موقع پر 13سالہ کنزیٰ اپنے جذبات پر قابو نہ رکھ سکی اور پھوٹ پھوٹ کر رودی اور اسی جذباتی کیفیت میں اس نے اپنے سوتیلے باپ شعیب کے منہ پر متعدد تھپڑ بھی رسید کئے۔ واضح رہے کہ ملزم شعیب کی ریحانہ کوثر سے تیسری جبکہ ریحانہ کوثر کی شعیب سے دوسری شادی ہے جبکہ ریحانہ کوثر کی بیٹی کنزیٰ ریحانہ کوثر کے پہلے خاوند سے ہے۔بتایا جاتا ہے کہ ملزم نے اپنی بیوی ریحانہ کوثر اور سوتیلی بیٹی کنزیٰ کے ہمراہ وزیر آباد سے فیصل آباد آکرکرایہ پر ایک مکان میں رہائش اختیار کی تھی جہاں یہ
ایک پاور لوم فیکٹری میں ملازم ہے۔اس عرصہ میں ملزم متعدد گھر بدل چکا تھا جبکہ اس کی سرگرمیاں بھی مشکوک تھیں۔یاد رہے کہ تھانہ سول لائن پولیس نے ریحانہ کوثر کی اطلاع پر ملزم شعیب کو اپنی سوتیلی بیٹی سے شادی رچاتے ہوئے گرفتار کیا ہے جسے عدالت میں پیش کر دیا گیا ہے جہاں عدالت نے ملزم کے خلاف کارروائی عمل میں لانے کیلئے پولیس کو ہدایات جاری کر دی ہیں۔
