اسلام آباد (مانیٹرنگ ڈیسک) فیصل آباد میں ن لیگ کے 2گروپوں کے درمیان جھگڑے کے نتیجے میں 10افراد شدید زخمی ہو گئے ہیں ۔ میڈیا رپورٹس کے مطابق تاندلیا نوالہ میں مسلم لیگ ن کے 2گروپس میں کافی عرصےسے جائیداد کا تنا زعہ چل رہا تھا جو اس قدر بڑھ گیا کہ بھرے بازار میں مخالف گروپ نے اندھا دھند فائرنگ کر دی جس کے نتیجے میں 10افراد
شدید زخمی ہوگئے ۔ واقعہ کے بعد زخمیوں کو ہسپتال منتقل کیا گیا جن میں سے بعض کی حالت تشویشناک بتائی جاتی ہے۔ تنازعہ لیگی ایم پی اے اور کونسلر کے درمیان چل رہا تھا اور دونوں گروپوں میں گزشتہ رات سے کشیدگی چل رہی تھی تاہم آج صبح تاندلیانوالا کے علاقے میں بازار کے اندر دونوں گروپوں میں تصادم ہوگیا جس کے دوران لیگی ایم پی اے کے حامیوں نے فائرنگ کردی جب کہ کشیدگی کا علم ہونے کے باوجود پولیس کی نفری موجود نہیں تھی اور پولیس حکام نے اس معاملے پر توجہ تک دینا منا سب نہیں سمجھا ۔
