لاہور (آئی این پی)پاکستان کے حالیہ واقعات اور دھماکوں کو مدنظر رکھتے ہوئے پاکستان فیشن ڈیزائن کونسل (پی ایف ڈی سی) نے پی ایف ڈی سی سن سلک فیشن ویک کو منسوخ کرنے کا فیصلہ کرلیا ہے، جو مارچ میں منعقد کیا جارہا تھا۔ڈان امیجز کی رپورٹ کے مطابق یہ فیشن ویک ویسے تو رواں سال 2 سے 5 مارچ تک منعقد کیا جانا تھا،
تاہم لاہور میں حال ہی میں ہونے والے دھماکے کے باعث کونسل نے اسے فی الحال منسوخ کرنا بہتر سمجھا، جبکہ حالات بہتر ہونے پر اسے دوبارہ منعقد کیا جائے گا۔کونسل کے پبلسسٹ کے مطابق ڈیزائنرز، کونسل اور پورا لاہور گزشتہ روز ہونے والے دھماکے سے کافی پریشان ہے اور ایسے موقع پر پاکستان سن سلک فیشن ویک جیسے بڑے ایونٹ کو منعقد کرنے پر محتاط ہونا چاہیے جس میں میڈیا کے ساتھ ساتھ پورے ملک سے فیشن سے تعلق رکھنے والی شخصیات شرکت کرتی ہیں۔
