راولپنڈی (آئی این پی)ملک بھرمیں آپریشن’‘’ ردالفساد‘‘ جاری ہے ،پنجاب رینجرز نے صوبے بھر میں 200 سرچ آپریشن کیے ا س دوران فائرنگ کے تبادلے میں 4 دہشت گرد ہلاک ہوگئے جبکہ سرچ آپریشن میں افغانیوں سمیت 600 مشتبہ افراد کو گرفتارکرلیا گیا ۔ہفتہ کو پاک فوج کے شعبہ تعلقات عامہ (آئی ایس پی آر) کے مطابق ملک بھرمیں آپریشن ردالفساد جاری ہے ۔پنجاب رینجرز نے صوبے بھر میں 200 سرچ آپریشن کیے ہیں ۔

کروڑ، لیہ، راولپنڈی سمیت مختلف علاقوں میں آپریشنز کیے گئے۔سرچ آپریشن کے دوران فائرنگ کے تبادلے میں 4 دہشت گرد ہلاک ہوگئے ۔آپریشن کے دوران مشتبہ مکانوں، مدارس اور دکانوں کی تلاشی لی گئی۔ آئی ایس پی آر کے مطابق سرچ آپریشن میں افغانیوں سمیت 600 مشتبہ افراد کو حراست میں لیا گیا،آپریشن کے دوران جماعت الاحرار کے کچھ سہولت کار بھی گرفتار۔آپریشن کے دوران بھاری ہتھیار،جہادی مواد بھی برآمد کیا گیا۔