کراچی (مانیٹرنگ ڈیسک) کراچی میں سابق صدرآصف علی زرداری سےعرفان اللہ مروت کی بلاول ہاؤس میں ملاقات ہوئی ہے ، جبکہ معتبر ذرائع کے مطابق عرفان اللہ مروت کا پیپلز پارٹی میں شمولیت کا امکان ہے، دوسری ان کا کہنا ہے کہ آصف زرداری سےبات کرکے میڈیاکو باقاعدہ آگاہ کروں گا۔ عرفان اللہ مروت نے پاکستان مسلم لیگ ن کی طرف سے 2013 کا الیکشن لڑا

اور ممبر صوبائی اسمبلی بھی منتخب ہوئے، وہ کراچی کے ایک پرانے سیاستدان ہیں جو کئی بار آزاد امیدوار کے طور پر رکن اسمبلی منتخب ہوئے ہیں ۔ وہ پاکستان کے سابق صدر غلام اسحاق خان کے داماد بھی ہیں۔واضح رہے کہ وزیر اعظم نواز شریف ترکی کے دوررے پر تھے اور اپنے دورے سے وہ کل ہی وطن واپس پہنچے ہیں ۔