اسلام آباد (آئی این پی)وفاقی وزیر داخلہ چوہدری نثار علی خان نے پاک افغان سرحد کی بندش کے باعث پاکستان میں موجود افغانیوں کی مشکلات کا نوٹس لے لیا ۔ جمعہ کو ترجمان وزارت داخلہکے بیان کے مطابق وزیر داخلہ چوہدری نثار علی خان نے متعلقہ حکام کو پاکستان آئےافغان شہریوں کے ویزےسے متعلقہ مسائل فوری طور پر حل کرنے کی ہدایت کی ہے
ترجمان وزارت داخلہکے بیان کے مطابق ۔وزیر داخلہ کے حکم پر ریجنل پاسپورٹ آفس پشاور کو افغان شہریوں کے ویزوں میں توسیع کرنے کا اختیار دے دیا گیا ہے۔ وزیر داخلہ چوہدری نثار علی خان نے کہا کہ اس اقدام کا مقصد افغان شہریوں کی مشکلات دور کرنا اور قانونی طریقے سے پاکستان آنے والوں کو سہولت پہنچانا ہے۔
