پشاور(مانیٹرنگ ڈیسک) پشاور بڑی تباہی سے بچ گیا۔ تفصیلات کے مطابق سی ٹی ڈی اہلکاروں نے بروقت کارروائی کرتے ہوئے رنگ روڈ سے افغان دہشتگردوں کو رنگے ہاتھوں گرفتار کر لیا۔ نجی ٹی وی رپورٹ کے مطابق سی ٹی ڈی اہلکاروں نے بتایا ہے کہ افغانستان سے تعلق رکھنے والا دہشتگرد

نعمت اللہ رنگ روڈ سے پشاور بڑی تعداد اور مقدار میں بم ، دھماکہ خیز مواد منتقل کر رہا تھا۔ دہشت گرد کا تعلق کالعدم تنظیم سے بتایا جا رہا ہے اور وہ افغانستان کا رہائشی ہے۔ سی ٹی ڈی کے مطابق گرفتار دہشت گرد نعمت اللہ نے اقرار کیا ہے کہ وہ پاکستان میں بڑے پیمانے پر تباہی پھیلانے کا منصوبہ بنا رہے تھے۔