اسلام آباد(مانیٹرنگ ڈیسک) پاکستان میں تباہی مچانے کیلئے افغانستان میں مزید 12خودکش حملہ آور تیار بیٹھے ہیں ۔ سانحہ مال روڈ کے سہولت کار انوار الحق کے انکشافات۔ تفصیلات کے مطابق پاکستان کے معروف اخبار نے صوبائی وزیر قانون کے حوالے سے دعویٰ کیا ہے کہ سانحہ مال روڈ کے سہولت کار انوارالحق نے دوران تفتیش انکشاف کیا
ہے کہ جہاں سے مال روڈ لاہور کا خودکش حملہ آور آیا تھا وہاں افغانستان میں مزید 12خودکش حملہ آور پاکستان میں تباہی مچانے کیلئے تیار بیٹھے ہیں جبکہ دہشتگردی کے مزید واقعات روکنے کیلئے حساس اداروں نے پولیس اور دیگر قانون نافذ کرنے والے اداروں پر مشتمل ٹیمیں تشکیل دے دی گئی ہیں۔
