اسلام آباد(مانیٹرنگ ڈیسک)سی ٹی ڈی کی بروقت کارروائی سے پشاور شہر بڑی تباہی سے بچ گیا۔ خطرناک بارودی مواد سمیت افغانی دہشتگرد گرفتار۔ تفصیلات کے مطابق محکمہ انسداددہشتگردی پشاور ونگ نے تخریب کاری کا منصوبہ ناکام بناتے ہوئے شہر کو بڑی تباہی سے بچا لیا۔ خفیہ اطلاع پر سی ٹی ڈی اہلکاروں نے کارروائی کرتے ہوئے
اچینی خوڑ رنگ روڈ سے دہشتگرد کو گرفتار کر لیا۔ دہشتگرد نعمت اللہ عرف فدائی کی تحویل سے خطرناک بارودی مواد بھی برآمد کر لیا گیاہے۔ گرفتار دہشتگرد کا تعلق افغانستان سے ہے اور وہ پشاور کے علاقہ یکہ توت میں رہائش پذیر تھا جسے تفتیش کیلئے نامعلوم مقام پر منتقل کر دیا گیا ہے۔
