حافظ آباد (آن لائن)وزیر اعلیٰ پنجاب کے ٹیلنٹ ہنٹ پروگرام کے سلسلہ میں موسیقی اور مصوری کے مقابلوں میں شرکت کے خواہش مند 18تا 35سال کے مرد و خواتین کی رجسٹریشن ایڈیشنل ڈپٹی کمشنر (جنرل) ،ڈپٹی ڈائریکٹر کالجز اور ڈپٹی ڈائریکٹر تعلقات عامہ کے دفاتر میں ہو رہی ہے۔ضلع کی سطح پر بذریعہ آیڈیشن کردہ طلبا ء طالبات اور عوام الناس کو مقابلوں کے لیے گوجرانوالہ بھجوایا جائیگا جہاں بہترین کارکردگی کے حامل گلوکاروں اور مصوری کے لیے شاندار انعامات رکھے گئے ہیں۔مقابلہ موسیقی اور مصوری میں ڈویژنل سطح پر
پہلا انعام 1,50,000،دوسرا انعام 1,00,000اور
تیسرا انعام 75000ہوگا۔مقابلہ موسیقی میں 20,000کے پانچ انعامات حوصلہ افزائی کے ہونگے جبکہ مقابلہ مصوری میں10,000کے دس انعامات حوصلہ افزائی کے رکھے گئے ہیں۔ان مقابلوں میں متعلقہ فوکل پرسن کے دفتر میں رجسٹریشن کی آخری تاریخ 28فروری مقرر کی گئی ہے ۔رجسٹریشن punjab.gov.pk/talentHuntکے ویب لنک کے ذریعے بھی کروائی جا سکتی ہے ۔اس سلسلہ میں مذید معلومات کے لیے گوجرنوالہ آرٹس کونسل کے فون نمبر 055-9200408،محمد حلیم خان ریذیڈنٹ ڈائریکٹر 0333-8106902اور 0547-640119،0547-640061پر بھی رابطہ کیا جا سکتا ہے
