اسلام آباد(مانیٹرنگ ڈیسک)وزیر اعظم پاکستان میاں محمد نواز شریف ترکی کے دورے پر ترکی میں موجود ہیں جبکہ پانامہ لیکس کیس میں سپریم کورٹ کی جانب سے آئندہ چند روز میں فیصلہ متوقع ہے۔ اس حوالے سے چند دن قبل سینئر صحافی چوہدری غلام حسین نے نجی ٹی وی پروگرام میں اہم دعویٰ کیا تھا۔ چوہدری غلام حسین نے کہا تھا کہ وہ لوگ جنہوں نے اپریل 2016 کے بعد نواز شریف کو ڈٹ جانے کا مشورہ دیا تھا اب انہوں نے

ہتھیار ڈال دیئے ہیں۔ چوہدری غلام حسین نے کہا کہ کلثوم نواز اور مریم نواز نے وزیر اعظم نواز شریف کو مشورہ دیا ہے کہ وہ’’اقتدار چھوڑ دیں اور پیچھے ہٹ جائیں۔ اقتدار پر لعنت بھیجیں ورنہ ہم نے زور لگایا تو ہم کسی بڑے مسئلے میں پھنس جائیں گے۔ صورتحال ہمارے قابو سے باہر ہو گئی ہے‘‘چوہدری غلام حسین نے کہا کہ کلثوم نواز ، مریم نواز اور ایک دو اور شخصیات نے نواز شریف کو مشورہ دیدیا ہے کہ اقتدار چھوڑ کر ملک سے باہر چلیں۔