اسلام آباد(مانیٹرنگ ڈیسک)پنجاب میں بیوروکریسی میں اہم تقرر و تبادلے، سابق ڈائریکٹر جنرل پنجاب فوڈ اتھارٹی عائشہ ممتاز کوڈپٹی سیکرٹری ہائر ایجوکیشن تعینات کئے جانے کا فیصلہ۔ تفصیلات کے مطابق حکومت پنجاب نے بیوروکریسی میں اہم تقررو تبادلے عمل میں لاتے ہوئے عبدالغفور کو ایڈیشنل ڈی سی ٹوبہ ٹیک سنگھ ،سلمان سلمان کو ڈپٹی

سیکرٹری خزانہ، شاہد حسین کو ایڈیشنل ڈپٹی کمشنر فنانس ،کا اضافی چارج دے دیا ہے جبکہ عزیز الرحمان کو ڈیزاسٹر مینجمنٹ سیل پنجاب کا چار ج دیا گیا ہے۔سابق ڈائریکٹر جنرل پنجاب فوڈ اتھارٹی عائشہ ممتاز کو ڈپٹی سیکرٹری ہائی ایجوکیشن کمیشن تعینات کئے جانے کا فیصلہ کیا گیا ہے۔ واضح رہے کہ اس سے قبل عائشہ ممتاز کو پنجاب فوڈ اتھارٹی کی ڈائریکٹر جنرل تعینات کیاگیا تھا جہاں انہوں نے ناقص و غیر معیاری کھانوں اور اشیائے خور و نوش کے خلاف کارروائی میں متعدد ہوٹل ، بیکریاں اور فیکٹریاں سیل کر کے عوام میں شہرت حاصل کی تھی اور مقبول ہوئیں مگر بعد ازاں ان پر کئی الزامات لگے اور انکوائریاں شروع کر دی گئیںاور اُنہیں گھر بٹھا دیاگیاتھا۔

موضوعات:تقرر و تبادلے عائشہ ممتاز