شیخوپورہ(آن لائن )مسلم لیگ (ن) ایک بار پھردھڑے بندیو ں میں تقسیم ،ضلع کونسل شیخوپورہ کے اجلاس میں بھی مسلم لیگ (ن) کے (35 ) ممبران ضلع کونسل نے چیئر مین ضلع کونسل کے انتخاب کے بعد بھی حکومتی بینچوں پر بیٹھنے کے بجائے وطن محافظ پارٹی کی ٹکٹ پر منتخب ہو نیوالے ملک احمد خاں اعوان کو اپنا اپوزیشن لیڈر منتخب کر لیا
اور پی ٹی آئی کے ساتھ ملکر اپوزیشن بینچوں پر بیٹھنے کا فیصلہ کیا جس پر ضلعی صدر محمد عارف خاں سندھیلہ نے نو ٹس لیتے ہو ئے ان ارکان ضلع کونسل کے خلاف پارٹی ڈسپلن کی خلاف ورزی پر صوبائی صدر مسلم لیگ (ن) وزیر اعلیٰ پنجاب شہباز شریف کو پارٹی آئین کے مطابق کاروائی کا مطالبہ کیا ہے ۔
