اسلام آباد(مانیـٹرنگ ڈیسک) جیسے ہی دہشت گرد اندر آیا تو ہم نے اس پرفائرنگ شروع کردی جس کے بعد اس نے خود کو دھماکے سے اڑا دیا، چارسدہ کچہری پر دہشتگردوں کا حملہ ناکام بنانے والے پولیس اہلکار نے خوفناک کارروائی کی تمام روداد سنا دی۔ تفصیلات کے مطابق چارسدہ کچہری پر دہشتگردوں کے خوفناک حملے کو ناکام بنانے والے
ایک بہادر پولیس اہلکار نے نجی ٹی وی سے گفتگو کرتے ہوئے بتایا ہے کہ باہر سے فائرنگ کی آوازیں آرہی تھیں ،جس گیٹ کے قریب ہم کھڑے تھے ،دہشت گرد نے اسے توڑنے کی کوشش کی اور ہینڈ گرنیڈ بھی پھینکے ۔اس نے کہا کہ جیسے ہی دہشت گرد نے ہینڈ گرنیڈ پھینکے تو ہم نے جواب میں اس پر فائرنگ کی جس کے نتیجے میں دہشت گرد ہلا ک ہو گیا ۔واضح رہے کہ آج پولیس اہلکاروں نے دہشتگردوں کا چارسدہ کچہری پر ایک بڑا حملہ ناکام بناتے ہوئے تمام تین خودکش حملہ آوروں کو جہنم واصل کر دیا ہے ، بہادر پولیس اہلکاروں نے دو دہشت گردوں کو فائرنگ کر کے مارا جبکہ ایک دہشت گرد نے خود کو دھماکے سے اڑا دیا تھا جس کے نتیجے میں 7افراد شہید جبکہ ڈیڑھ درجن سے زائد افراد زخمی ہوئے تھے ۔
