اسلام آباد (مانیٹرنگ ڈیسک)تازہ ترین میڈیا رپورٹس کے مطابق ڈیرہ بگٹی کے علاقے پیر کوہ میں بارودی سرنگ دھماکہ 2افراد جاں بحق ۔ تفصیلات کے مطابق چارسدہ کے بعد ڈیرہ بگٹی کے علاقے پیر کوہ میں بارودی سرنگ پھٹنے سے 2افراد جاں بحق ہو گئے ہیں ۔ واضح رہے کہ اس کچھ دیر قبل چار سدہ میںضلع کچہر ی کے قریب دو دھماکے ہو گئے

جن کی وجہ سے متعدد افراد زخمی ہوئے ہیں ۔ نجی ٹی وی رپورٹ کے مطابق ابتدائی طور پر تین خود کش بمباروں کی اطلاع ملی تھی کہ وہ کچہری میں داخل ہونا چاہتے تھے۔ ان تین میں سے دو خود کش بمبار خود کو اڑاچکے ہیں جس کے نتیجے میں متعدد افراد زخمی ہو گئے ہیں تاہم جاں بحق افراد کی تعداد کے بارے میں ابھی تک کچھ نہیں بتایا جا رہا ۔ ڈی پی او چار سدہ کے مطابق 3 خود کش حملہ آوروںکو ہلاک کیا جا چکا ہے جبکہ علاقے کو گھیرے میں لے کر سرچ آپریشن شروع کر دیاگیا ہے ۔