اسلام آباد(مانیـٹرنگ ڈیسک) بھارتی یار افغانستان نے پاکستان پر حملے کیلئے تیاریاں شروع کر دیں۔ افغان فوج سرحد پر جمع ہونا شروع ہو گئی، بھاری توپخانہ بھی پہنچا دیا گیا۔ تفصیلات کے مطابق پاکستان کی جانب سے سرحد پار افغان سرزمین پر دہشتگردوں کے ٹھکانوں کو نشانہ بنانےکے بعد بجائے شکرگزار ہونے کے افغانستان نے پاکستان کے خلاف جنگ کی تیاریاں شروع کر دی ہیں۔
افغان ملٹری کونسل نےپاکستان سے بدلہ لینے کیلئے فوج کو پاکستانی سرحد کے قریب جمع کرنا شروع کر تے ہوئے حملے کی تیاریاں شروع کر دیں اور اس سلسلے میں افغان صوبہ ننگرہار میں بھاری توپ خانہ سرحد کے پاس پہنچا دیا گیا ہے جبکہ سرحدی اضلاع لال پور اور گوشتہ میں بھی افغان فورسز جمع ہونا شروع ہو گئی ہیں۔
